Ini: (Dm Cm Eb)
Dm Gm Dm C A7 Dm
Dm Gm Dm C F C F Dm A7 Dm
D D7 G Em A D D7 G D G Em A7 D Dm A7 Dm
(A Dm) Eb Dm A7 Dm
Quanno spónta la luna a Marechiare
Pure li pisce nce fanno a ll'ammore.
Se revòtano ll'onne de lu mare,
Per la priézza cágnano culore.
Quanno sponta la luna a Marechiare!
A Marechiare ce sta na fenesta,
La passiona mia ce tuzzuléa.
Nu garofano addora 'int'a na testa,
Passa ll'acqua pe' sotto e murmuléa.
A Marechiare nce sta na fenesta!
Ah, ah ..
A Marechiare, a Marechiare
Nce sta na fenesta!
Chi dice ca li stelle só' lucente,
Nun sape st'uocchie ca tu tiene 'nfronte!
Sti ddoje stelle li ssaccio i' sulamente,
Dint' a lu core ne tengo li ppónte.
Chi dice ca li stelle só lucente!
Scétate, Carulí, ca ll'aria è doce.
Quanno maje tantu tiempo aggi'aspettato!
P'accumpagná li suone cu la voce,
Stasera na chitarra aggio purtato.
Scétate, Carulí, ca ll'aria è doce!
(Salvatore di Giacomo - Paolo Tosti) 1885